Vyapti

ಮೊಗೆದಷ್ಟು ಪ್ರೀತಿ
ಬೊಚ್ಚು ಬಾಯಿಯ ನಗು
ದಿನವೂ ಅಮ್ಮಂದೇ ಸ್ತುತಿ
ಎಲ್ಲರ ಮುದ್ದು ಆ ಮಗು
...

ಕಾಡುವಳು ಅಮ್ಮನ ಸೆರಗು ಹಿಡಿತ
ಆಕೆಯದೋ ಮನೆ ಕಚೇರಿಯಲಿ ದುಡಿತ
ಅಮ್ಮನ ಕಣ್ಣಂಚಲಿ ನೀರು
ಮಗು ಬೇಸರದಲಿ ನೋಡಿತು ಸೂರು

ಕಳೆದ ಪ್ರತಿ ಕ್ಷಣವೂ ಅಮೋಘ
ಎದೆಯಲಿ ಹುದುಗಿಸಿ ಮುದ್ದಿಸಿದ ಮೊಗ
ತಡಮಾಡದೇ ಬಂದಪ್ಪುವಳು
ಅವಳ ನಿಷ್ಕಲ್ಮಷ ನಗುವಲ್ಲಿ ಮೆರೆಸುವಳು

ಸೃಷ್ಟಿಸಿಹಳು ಅವಳದೇ ಭಾಷಾ ವ್ಯಾಕರಣ
ದಿನವೂ ನಮಗೆಲ್ಲ ಹೊಸ ಶಬ್ದಗಳ ಅನಾವರಣ
ಎಲ್ಲೆಲ್ಲೂ ಕಾಣುವೆ ಮನಕೆ ಹತ್ತಿರದ ನೆನಪ ಪರದೆ
ಅಪ್ಪನ ಮಡಿಲಲೂ ಆಡುವಳು ಖುಷಿಯ ಸಂಗತಿ ಅದೇ