ಅಸಂಬದ್ಧ ರೀತಿ

ಬೇಕು ಎಂಬ ಬಯಕೆ
ಪಡೆಯುವ ದಾರಿ ಸಾಗಿದೆ
ಸೋತು ಮನ ದಣಿದಿದೆ...
ಮಂಕಾಗಿ ಕುಳಿತಿದೆ

ಹರಿದು ಬರುತಿದೆ ಚಿಂತೆಯ ಮಹಾಪೂರ
ನೆಮ್ಮದಿ ಹುಡುಕಿ ಕದಡಿ ತಡಪಡಿಸಿದೆ
ಧ್ವನಿ ಗದ್ಗದಿತ ಮಾತು ತೊದಲು
ಒಣಗಿದ ಮುಖದ ಮೇಲೆ ಕಣ್ಣೀರ ಲೇಪನ

ಆಸೆಯ ಬೆನ್ನೇರಿ ಹೊರಟ ಓಟ
ತುಸು ದೂರದಲಿ ನಿಲ್ಲಿಸಬೇಕು
ಚಿಂತೆ ಬುತ್ತಿಯ ಪಕ್ಕಕೆ ಜರುಗಿಸಿ
ಮನಭಾರ ಇಳಿಸಬೇಕು

ಎಲ್ಲವನೂ ಮೀರಿದ ಸಾರ್ಥಕ ಬದುಕಿದೆ
ನೊಂದ ಮನಕೆ ಖುಷಿಯನುಭವಿಸುವ ಹಕ್ಕಿದೆ
ಎಲ್ಲ ಮರೆತು ಸಾಂಗತ್ಯಕ್ಕೆ ಕರೆ ಹೋಗಿದೆ
ವಿಚಾರ ರಹಿತ ತಟಸ್ಥ ಮನ ನನ್ನದಾಗಿಸಬೇಕಿದೆ