ಶುಕ್ರವಾರ, ನವೆಂಬರ್ 29, 2013

ಯಾಕಪ್ಪ ಹೀಗೆ ???


===============================================================
                                                                   ಚಿತ್ರ ಕೃಪೆ - ಗೂಗಲ್ 





ಮನೆಯೇ ಮೊದಲ ಪಾಠಶಾಲೆ , ತಾಯಿ ತಾನೇ ಮೊದಲ ಗುರು", "ಹೆಣ್ಣೊಂದು ಕಲಿತರೆ ಶಾಲೆಯೊಂದು ತೆರೆದಂತೆ ", "ಮಾತೃ ದೇವೋ ಭವ "  ಇಂತೆಲ್ಲ ಗಾದೆ ಮಾತುಗಳು ಹೆಣ್ಣಿಗೆ ಉತ್ತಮ ಸ್ಥಾನ ನೀಡಿ ಗೌರವಿಸಿದರೆ, ಜೀವವಿರುವ ನಾರಾ ಮನುಷ್ಯರೇ ಗೌರವ ನೇಡದಿರುತ್ತಿರುವುದು ಒಂದು ಹೆಣ್ಣಾಗಿ ಯೋಚಿಸಬೇಕಾಗಿದೆ. 

ದಿನ ಬೆಳಗಾದರೆ ಎಲ್ಲೋ ಅತ್ಯಾಚಾರ, ಸೀಮೆ ಎಣ್ಣೆ ಸುರಿದು ಕೊಲೆ ಯತ್ನ , ದಾರಿಯಲ್ಲಿ ಹೋಗುತ್ತಿದ್ದ ಮಹಿಳೆಯ ಸರ ಅಪಹರಣ , ವರದಕ್ಷಿಣೆ ತರಲಿಲ್ಲವೆಂದು ಕಿರುಕುಳ ಕೊಟ್ಟರು ಎಂದೆಲ್ಲ ಅ-ಸಹನೀಯ, ಅ-ಸಹಜ ಘಟನೆಗಳು ಭಯ ಹುಟ್ಟಿಸುತ್ತವೆ. ಯಾಕೆ ಅಷ್ಟು ದುರ್ಬಳಲೇ ಹೆಣ್ಣು ? ಕ್ಷಮಯಾ  ಧರಿತ್ರಿ ,  ಸಹನೆ ಕರುಣ ಮೂರ್ತಿ , ಪ್ರೀತಿ ವಾತ್ಸಲ್ಯದ ಕುಡಿ  ಇವೆಲ್ಲ ಪುಸ್ತಕ ಭಾಷಣದಲ್ಲಿ ಹೇಳುವ, ಕೇಳುವ  ಉದ್ಗಾರವಾಚಕದಂತೆ ತೋರುತ್ತವೆ.ಇತ್ತೀಚಿನ ದಿನಗಳಲಿ ಆಗುತ್ತಿರುವ ಹೆಣ್ಣಿನ ಮೇಲಿನ ದೌರ್ಜನ್ಯ ಯಾವುದೇ ಸುರಕ್ಷತೆಯಿಲ್ಲದೆ ನಡೆಯುತ್ತಿರುವ ಉತ್ತರ ಸಿಗದ  ದುಃಖಕರ ಘಟನೆಯಾಗಿದೆ. ಎಲ್ಲಾ ರೀತಿಯ ಹೋರಾಟ, ಸಮಾನ ಹಕ್ಕು ಎಂಬಿತ್ಯಾದಿ ಹೆಣ್ಣಿನ ಮೌಲ್ಯಕ್ಕೆ ಗೌರವ ಸೂಚಿಸುವ ಕಾರ್ಯಗಳು ಅತ್ಯಾಚಾರ, ದೌರ್ಜ್ಯನವನ್ನು ತಡೆ ಹಕ್ಕಲು ಅಡಿಪಾಯವಾಗುತ್ತಿದೆಯೇ ಎಂಬ ಸಂದೇಹ  ಒಂದೆಡೆಯಾದರೆ ಸುಭದ್ರತೆಗೆ ಬೆಲೆಯೇ ಇಲ್ಲ ಎಂಬಂತೆ ಒಂದರ ಮೇಲೊಂದರಂತೆ ನಡೆಯುತ್ತಿರುವ ಸಂಜ ಘಾತುಕ ಘಟನೆಗಳು ಮೈ ನವಿರೇಳಿಸುವ ಕೆಲಸ ಮಾಡುತ್ತಿದೆ. ಇದಕ್ಕೆಲ್ಲ ಪೂರ್ಣ ವಿರಾಮ ಇದೆಯೇ? 
ಹೆಣ್ಣಿಗೋ ಪುರುಷನಂತೆ ದುಡಿಯುವ ಹಕ್ಕಿದೆ, ಸಾಮರ್ಥ್ಯವಿದೆ, ಬುದ್ಧಿಮತ್ತೆ ಇದೆ, ಆಲೋಚನಾ ಶಕ್ತಿ ಇದೆ, ಸಂಸಾರ ಸಂಭಾಳಿಸುವ ಭಾವನಾತ್ಮಕ ಭಾವನೆಗಳು ಸಮ್ಮಿಳಿತವಾಗಿದೆ , ಎಲ್ಲರೊಂದಿಗೆ ಒಡನಾಡಿ ಕುಟುಂಬದ ಒಳಿತು ಕಾಪಾಡುವ ಕ್ರಿಯಾಶೀಲತೆ ಇದೆ, ಮಕ್ಕಳಿಗೆ ಒಳ್ಳೆ ರೀತಿಯಲ್ಲಿ ಜೀವನದ ಮಾರ್ಗ ತೋರಿಸುವ ಪ್ರಭುದ್ದತೆ ಇದೆ.. ಇಷ್ಟು ಸಾಕಲ್ಲವೇ   ಒಂದು  ಹೆಣ್ಣನ್ನು ಒಳ್ಳೆಯ ದೃಷ್ಟಿ ಕೋನದಿಂದ ನೋಡಲು. ಆದರೂ ಸಮಾಜದ ದೃಷ್ಟಿಕೋನ ಮಾತ್ರ ಹಳೆ ಕಾಲದಲ್ಲಿ ನಾಲ್ಕು ಗೋಡೆಯಲ್ಲಿ ಇರುವ ಮಹಿಳೆಯಂತೆ ಕಾಣುವ ಪರಿ ಇನ್ನೂ ಸರಿಯಾಗಿಲ್ಲ. ಆಧುನಿಕತೆ ಮಾದಕತೆಯಲ್ಲಿ ಇಂದಿನ ಯುವ ಪೀಳಿಗೆ ದಾರಿ ತಪ್ಪುತ್ತಿದ್ದರೂ , ಭಾರತ ದೇಶದಲ್ಲಿ ಹುಟ್ಟಿ ಒಳ್ಳೆ ಸಂಸ್ಕ್ರತಿಯ ಮಡಿಲಲ್ಲಿ ಬೆಳೆದ ಮಕ್ಕಳ ಸಂಖ್ಯೆಗಂತೂ ಕಡಿಮೆಯಿಲ್ಲ . 

ಸಮಾಜದಲ್ಲಿ ಭ್ರಷ್ಟಾಚಾರ, ಹಣದ ನಡುವಿನ ಆಟ ಜಾಸ್ತಿ ಆಗಿದೆ. ಸಾಮಾನ್ಯ ಮನುಷ್ಯ ಒಳ್ಳೆ ರೀತಿಯಲ್ಲಿ ಜೀವನ ನಡೆಸುವುದು, ಹೆಣ್ಣಿಗೆ ಒಳ್ಳೆಯ ಸ್ಥಾನ ಮಾನ ನೀಡುವಂತೆ  ಸಮಾಜ ಬದಲಾಗುವುದು ಕೈಗಟುಕದ ದ್ರಾಕ್ಷಿಯಂತಾಗುವುದೇ ?

ದಾರಿಯಲ್ಲಿ ಓಡಾಡುವಾಗ ಯಾವ ಘಾತುಕ ಬಂದು ಸರ ಅಪಹರಿಸುವುನೋ , ಕೈಯಲ್ಲಿರುವ ಹಣದ ಪರ್ಸ್ ಮಾಯವಾಗುವುದೋ, ಮನೆಗೆ ಬಂದು ಕಳ್ಳತನ ಮಾಡುವರೋ ಎಂಬ ಭಯ, ಹೆದರಿಕೆಯಲ್ಲಿ ಬೆಂಗಳೂರು ಎಂಬ ಬೀಡಿನಲ್ಲಿ ವಾಸಿಸುತ್ತಿರುವ ಒಂದು ಹೆಣ್ಣಿನ ಕೊರಗು !!