ಕುಚೋದ್ಯ ಮನಸ್ಸು

ಅಲ್ಲಲ್ಲಿ ಒಡೋಡುವುದು
ಕರೆದಾಗ ಒಲ್ಲೆ ಎನ್ನದು 
ಬಳಿ ಬಂದು ಸವರುವುದು 

ಬಹು ಬೇಗ  ರಮಿಸುವುದು

ರಾಗ ಸಲ್ಲಾಪಗಳ ಎತ್ತಿ ಹಿಡಿಯುವುದು

ಅತ್ತು ಗೋಳೊಯ್ದುಕೊಳ್ಳುವುದು 

ಖುಷಿಯಲ್ಲಿ ಮಿನುಗುವುದು 

ದುಃಖದಲ್ಲಿ ಗಗನ ಸುಮವಾಗುವುದು 

ಬೇಕೆಂದರಲ್ಲಿ ಸಾಥ್ ನೀಡದೆ ಸತಾಯಿಸುವುದು 

ಕುಚೋದ್ಯವ ಮಾಡುತಲಿಹುದು 

ಈ ನನ್ನ 'ಮುದ್ದಿ'ನ ಮನಸ್ಸು 

:) 

ಗೊಂದಲಗಳ ಮಧ್ಯದಲ್ಲಿ - ಕನಸು

ಮಲಗಿರಲು ಹಾಯಾಗಿ 

ರಾತ್ರಿ ಚಂದ್ರನ ಜೊತೆಯಾಗಿ 

ಯೋಚನೆಗಳಪ್ಪಳಿಸಿದವು ಜೋರಾಗಿ 

ನೆನಪುಗಳು ಹೋಳಾಗಿ 

ನಾ ಸರಿಯೇ ಅದು ಸರಿಯೇ

ತಾಳಮೇಳಗಳ ಕಾಗುಣಿತದಲಿ 

ಕಾಯಿಗಳು ಸಮ ವಿಷಮವೇ 

ಲೆಕ್ಕಗಳ ಬಿಡಿಸುವಿಕೆಯಲಿ  

ಭಾವನೆಗಳು ನೂರಾಗಿ 

ತೋರಿದವಲ್ಲಿ ತಮ್ಮಿರುವ 

ಕಣ್ಣುಗಳು ಮಂಜಾಗಿ 

ಮರೆಮಾಚಿದವು ದೃಶ್ಯಗಳ 

ಇನ್ನಷ್ಟು ಬೇಕೆನಗೆ 

ಕನಸು ಕಾಣುವ ಕನಸು 

ಕೈಯಲ್ಲಿ ಕೈ ಹಿಡಿವೆ 

ಸ್ನೇಹ ಪ್ರೇಮಗಳ ಬಿಂಬಿತದ ನನಸು  

ಮನ ತುಂಬಿ ನಿದ್ರಿಸುವೆ 

ಕನಸುಗಳಿಗೆ ಕೈ ಚಾಚಿ 

ಭಾವ ತುಂಬಿ ನಗುವೆ 

ಮರಳಿ ಯತ್ನವ ಮಾಡಿ