-------

ಸೂಚಕ 

----------

ದಾರಿಹೋಕನೊಬ್ಬ 

ಎಸೆದನೊಂದು ಬೀಡಿಯ ತುಂಡು 

ನನ್ನ ಆಯಸ್ಸು ತೀರೀತು 

ನಿನ್ನ ಆಯಸ್ಸಿನೊಂದಿಗೆ ಎಂದು 

ಗಹಗಹಿಸಿ ನಕ್ಕಂತೆ ಭಾಸವಾಯಿತು 

ಬಿದ್ದ ಬೆಂಕಿಯ ಚೂರನ್ನು ಕಂಡು 

ಸಾಮಾನ್ಯ ಜ್ಞಾನ 

-------------------

ಇರಲು ನಿನ್ನೊಂದಿಗೆ ಸದಾ 

ನೀತಿ ನಿಯಮ ಗೌರವ ಸಜ್ಜನಿಕೆ 

ಬೇಕಿಲ್ಲ  ಇನ್ನೇನೂ ನಿನ್ನ 

ಗುಣ ವಿಶೇಷಗಳ ಅಳೆಯುವ ಪ್ರನಾಳಿಕೆ 

ಪ್ರೀತಿ 

--------

 ಸಂಧ್ಯಾ ರಶ್ಮಿಯ ಪ್ರಕರತೆ 

 ಕೆಂಪು ಮುಗಿಲ ಒಯ್ಯಾರ 

 ತಣ್ಣನೆಯ ಗಾಳಿಗೆ 

 ಹಸಿರು ಎಲೆಗಳ ಒಯ್ದಾಟ 

 ಕಟ್ಟಲು ಆವರಿಸುತ್ತಿದೆ 

 ಹಕ್ಕಿಗಳ ಮನೆ ತಲುಪುವ ಹಾರಾಟ 

 ಮನ ಬಯಸಿದ  ಪ್ರೀತಿಗೆ  

 ಸಂಪ್ರೀತಗೊಂಡಿತು ಆಲಾಪ 

 ತಲ್ಲೀನವಾಯಿತು ಸೊಬಗ ಸೌಂದರ್ಯಕೆ 

 ಪೃಕ್ರತಿಯ ಸುಂದರ  ಮಡಿಲು      

ಹಳೆ ಡೈರಿಯ ಪುಟಗಳಿಂದ

***********************

ಜೀವನ 

***********************

ನಗುವೇ ನಮ್ಮ ಜೀವನ 

ಅದರಿಂದ ರಕ್ತ ಸಂಚಲನ

ಮಾಡು ಈ ಜೀವನದ ಸಮ್ಮಿಲನ 

ಭಾವೈಕ್ಯದ ಆಲಿಂಗನ  

***********************
ತಂಗಿ 

***********************

ನಾ ನಲಿದಾಗ ನಲಿವಳು 

ಅತ್ತಾಗ ಅಳುವಳು 

ಸಮಾಧಾನ ಪಡಿಸುವಳು 

ಕಷ್ಟ ಸುಖದ ಸಂಗಾತಿ 

ಅವಳೇ ನನ್ನ ತಂಗಿ 

ಬಾಳ  ಹೆಣೆಗಾರ್ತಿ 

************************

ಸಾಮಿ-ಸ್ವಾಮಿ 

************************

ಓಡಿ  ಹೋದಳು ಹುಡುಗಿ 

ಆಸಾಮಿ ಜೊತೆಗೆ 

ಆ ಸ್ವಾಮಿ ಬಂದಾದರೂ 

ತಡೆಯಬಹುದಿತ್ತಲ್ಲವೇ 

*************************

ಕಪ್ಪು-ಬಿಳುಪು 

*************************

ಇಂದಿನ ರಾಜಕಾರಣವು 

ಕಪ್ಪು ಬಿಳುಪಿನ ಪರದೆಯಾಟವು 

ಎಂದಿಗೂ ಇದಕಿಲ್ಲ ಮುಕ್ತಿ 

ಕೊಡು ತಾಯೆ ಇದ ಎದುರಿಸುವ ಶಕ್ತಿ 

*************************

ಜಾಯಮಾನ 

**************************

ದಿನವುರುಳಿದವು  ನದಿಯ ನೀರಂತೆ 

ಜನ ಜೀವನವೇ ವಾರದ ಸಂತೆ 

ಜನಕಿಲ್ಲ ಈಗ ಬಿಡುವಿನ ಸಮಯ 

ಇನ್ನೆಲ್ಲಿದೆ ಇನ್ನು ಆ ನಯ-ವಿನಯ