ಭಾವಾಪಹರಣ

ಬದಲಾವಣೆ ಹಾಜರಿ ಹಾಕಿದೆ
ಮನವೇಕೋ ಹಕ್ಕಿ ತರಹ ಹಾರಿದೆ
ಕಚಗುಳಿ ಇಡುತ ಹೃದಯ ತಾಳ ಹಾಕಿದೆ...
ಹೊಸ ರಾಗದ ಅಲೆಯಲಿ ದೇಹ ನರ್ತಿಸಿ ದಣಿದಿದೆ

ಎಂದಿಗಿರದ ಸಂಜೆ ಸೊಬಗ ಹೆಚ್ಚಿಸಿದೆ
ಕೂಡಿ ಕಾದಿಟ್ಟ ಕನಸ ಗರಿಗೆ ಬಲ ಬಂದಿದೆ
ಭರವಸೆಯ ನಲುಮೆ ಕುಣಿದು ಕುಪ್ಪಳಿಸಿದೆ
ಭಾವಗೋಚರ ಸುಖ ನಿದ್ರೆಯನು ಕಸಿದಿದೆ

ಸಾಗುತಿಹ ಪ್ರತಿ ದಾರಿ ತರತರಹ ಭಾವನೆ ಹುಟ್ಟು ಹಾಕಿದೆ
ಬಳಿ ಬಂದು ಭುಜಕೆ ಆನಿಸಿ ಕನಸ ತುಣುಕ ವಾಚಿಸಿದೆ
ಚುಂಬಕ ರೋಚಕ ತಂದಿರಿಸಿದೆ
ಈ ಕ್ಷಣ ನನ್ನದೇ ಸುತ್ತ ಸುತ್ತುತ್ತಿದೆ