ವರುಣಾಧರೆ

▪▪▪▪▪▪▪▪▪▪▪▪▪
ಬಿಸಿಲ ಉರಿಗೆ ತತ್ತರಿಸಿದ ಭೂಮಿಯ ತಾಪ
ಧರೆಯ ಧಗೆಗೆ ತಣ್ಣೀರು ಸಿಂಚಿಸಿದ ಕಾರ್ಮೋಡ
ಕಸಿವಿಸಿ ಬಿಸಿ ಮಾತಿಗೆ ಬಾಡಿ ಹೋದ ಮೊಗ...
ಮನದ ಬೇಗೆಗೆ ತಂಪೆರೆದ ಸುಮಧುರ ಉಲಿ

ಮಳೆ ಬಂತು ಇಳೆಯ ತಬ್ಬಿತು
ಸುಂದರ ಪೃಕೃತಿ
ಸಂದೇಶ ಬಂತು ನಗುವ ಪಸರಿಸಿತು
ಚಂದದ ಗೃಹಿಣಿ

ಮೊದಲ ಮಳೆಯ ಹನಿ
ಮಣ್ಣಿನ ಸುವಾಸನೆ
ಮೊದಲ ಪ್ರೀತಿ ಧ್ವನಿ
ಭಾವನೆಗಳ ಚಲನೆ

ಭರ ಭರ ಪಟ ಪಟ ಠಪ ಠಪ
ಸುಂದರ ಗಾಯನ
ಹೂ ಹಾ ಹ್ಹ
ನಲುಮೆಯ ಉತ್ತರ

ಮಳೆಗೂ ಧರೆಗೂ
ಹೊಂದಿಸಿದ ಕಲ್ಪಿತ ಸಂಬಂಧ
ನನಗೂ ಇನಿಯನಿಗೂ
ಕಪೋಕಲ್ಪಿತ ಕಾಡುವ ಅನುಬಂಧ