ಮತ್ತೆ ಕಟ್ಟಬೇಕಿದೆ

~~~~~~~~~~~~~~~~~
ಅಲ್ಲೋಲ ಕಲ್ಲೋಲ ಮನವೀಗ ಹಿಡಿತದಲ್ಲಿಲ್ಲ
ರಂಪಾಟ ಚೀರಾಟ ತಾರಕಕ್ಕೇರುತಿದೆ
ಜಟಿಲವಾದ ಬಾಳ ನೌಕೆ ಸಡಿಲವಾಗಿ ತೋರುತಿದೆ...
ಮತ್ತೆ ಕಟ್ಟಬೇಕಿದೆ ನವಿರಾದ ಸವಿಯಾದ
ಭಾವನೆಗಳ ಜೋಡಿಸಿ ಪೋಣಿಸಿ

ವಾಸ್ತವಕೆ ಹೊರತಾಗಿ ಶಾಂತತೆಯ ರೂಪವಿದೆ
ಕೊಳೆ ತುಂಬಿ ಕಳೆ ತುಂಬಿದ ಮುಖ
ಸುಂದರತೆಯ ಮರೆಮಾಚುತಿದೆ
 ಇದೆಲ್ಲವ ಬದಿಗಿಟ್ಟು ಸ್ವಚ್ಛಂದದ
ಬದುಕ ಮತ್ತೆ ಕಟ್ಟಬೇಕಿದೆ

ಧೂಳು ತುಂಬಿ ಮುಸುಕಿದ ಬಾಳ ಪರದೆಯ
ಒಮ್ಮೆ ಅಲುಗಾಡಿಸಬೇಕಿದೆ
ಸುಂದರ ಭಾವಗಳ ಚಂದದ ನರ್ತನ
ನೆನಪಿಸಬೇಕಿದೆ
ಮತ್ತೆ ಕಟ್ಟಬೇಕಿದೆ
ನನ್ನ ಕನಸ ಬಾಳ ಚಪ್ಪರ