ಮನವಿ

ಅವರಿವರಾಡುವ ಮಾತಿಗೇಕೆ ಬೇಜಾರು
ಸುಮ್ಮನೆ ಕೂರದಿರಲಿ ಲವಲವಿಕೆಯ ಮನಸ್ಸು
...

ಮನೆ ಕೋಣೆ ಚಿಕ್ಕದಾದರೇನಂತೆ
ವಿಶಾಲವಾದ ನಲಿವ ಮನವಿರಲು ಸಾಕಲ್ಲವೇ
ಕೊಳಕು ತುಂಬಿದ ಕೋಣೆ ಸ್ವಚ್ಛಗೊಳಿಸಲು ಒಂದು ದಿನ
ಕೊಳಕು ತುಂಬಿದ ಮನವೆಂಬ ಕೋಣೆ ಸ್ವಚ್ಛಗೊಳಿಸಲಸಾಧ್ಯ ಒಂದು ದಿನ

ನೀನೆನಗೆ ನಾನಿನಗೆ ಪ್ರೀತಿ ತುಂಬಿದ ಮಾತು ಸೂಸಿದ ಗಾಳಿಯಲ್ಲಿದ್ದ ಸಂದೇಶ
ತಪ್ಪು ಸರಿಗಳ ತುಲನೆಯಲ್ಲಿ ಕೂತು ಮರೆಯಬೇಡ ತೊದಲ ಮೊದಲ ಪ್ರೀತಿ ಬಾಲಿಶ
ಸುಖಾಂತ್ಯ ನನ್ನ ಕವನದ ಆಶಯ ಬಯಸಿದ ಜೀವನಕ್ಕಿಲ್ಲ ಸಂಶಯ
ಋಣಾತ್ಮಕ ಭಾವನೆಯ ಕೆಡವಿ ಕಟ್ಟಬೇಕಿದೆ ಖುಷಿಯ ಮಹಲು
ಈಡೇರಿಸಬೇಕಾಗಿದೆ ನನ್ನ ಈ ಮನವಿ