ಜೀವನ ಬೆಂಗಳೂರಲ್ಲಿ

"------------------------"
ಗಗನ ಚುಂಬಿಸೊ ಕಟ್ಟಡಗಳು
ಕಣ್ಣು ಹಾಯಿಸಿದೆಡೆ ಕಾಣುವ ವಾಹನಗಳ ಪಯಣ
ಅಲ್ಲಲ್ಲಿ ಕಾಣಸಿಗುವ ಮರಗಳು...
ಮಳೆ ತರಲೇ ತರದಿರಲೇ ಎಂಬ ಯೋಚನೆಯಲ್ಲಿರುವ ಮೋಡ

FM ಹಾಡಿಗಿಂತ ಜಾಹೀರಾತುಗಳ ಹಾವಳಿಯಾದರೂ
ವಾಹನಗಳ ಜಂಜಾಟ ಭರಿತ ದಾರಿಗೆ ಸಾಥಿಯಾಗಿದೆ
ಎಲ್ಲ ತರದ ಜೀವನ ರೀತಿ ಕಾಣುತಲಿದೆ
ನನ್ನದ ಹುಡುಕುವುದರಲ್ಲಿ ನನ್ನ ನಾನೇ ಮರೆತಿಹೆ
ಸಂಜೆ ಗೂಡು ಸೇರುವ ಹಕ್ಕಿಯ ಚಿಲಿಪಿಲಿ
ನಾನು ಸಾಗುತಿರುವೆ ವಾಹನಗಳ ಪೀ ಪೀ ಜೊತೆ
ತಡೆ ಹಿಡಿದಿವೆ ಆರ್ಭಟ ಹಸಿರು ಕೆಂಪು ದೀಪಗಳು
ಇಷ್ಟೆಲ್ಲ ಯೋಚನೆಗಳ ಜೊತೆ ಮನೆ ದಾರಿ ಕ್ರಮಿಸಿದೆ
ಸಂಜೆ ಬೆರಗನು ಕೊಂಡೊಯ್ದ ಸೂರ್ಯ
ಶಶಾಂಕನ ತಂಪನ್ನೀಯಲು ರಾತ್ರಿ ಬಂದಾಯಿತು
ನಾಳೆ ನನ್ನ ನಿನ್ನ ಮಾತುಕತೆ
ಮೈ ಮನ ನಿದ್ರಾದೇವಿಗೆ ಕರೆ ನೀಡಿತು