....ನಿಗೆ

ಮಧುರ ಭಾವನೆಗಳು ಹಳೆ ನೆನಪುಗಳು
ಈಗೀಗ ಬರಲಾರದವು ಆ ಘಟನೆಗಳು
ಮನ ತಲ್ಲಣ ನವಿರಾದ ಕಂಪನ ...
ತುಟಿಯಂಚಲಿ ಕಿರು ನಗೆ

ಅಂಜಿಕೆಯಲಿ ಸುತ್ತಾಟ
ಹೊಸ ಪ್ರೇಮದ ಒದ್ದಾಟ
ಪಿಸು ನುಡಿ ಮೊದಲ ಸ್ಪರ್ಶ
ಚಿಗುರೊಡೆದ ಪ್ರೀತಿಯ ತೊಳಲಾಟ

ಅಕ್ಕಪಕ್ಕ ಕೂತು ಹೆಣೆದ ಕನಸುಗಳು
ಬರಸೆಳೆದು ಮುತ್ತಿಟ್ಟ ಘಳಿಗೆ
ಪ್ರತಿ ಭೇಟಿಗೆ ಸಿದ್ಧಗೊಳ್ಳುವ ಗೊಂದಲ ಮನ
ಶುರು ಮಾಡಿದ ಕಣ್ಣ ಭಾಷೆ

ತಡಮಾಡದೆ ಗೋಚರಿಸಿದೆ ಸವಿ ಜೀವನದ ತುಣುಕುಗಳು
ಕಣ್ಣಂಚಲಿ ನೀರು ಮುನಿಸು ಸಹಜ
ದೂರ ದೂರ ಮನಸು ಭಾರ
ಸುಂದರ ಸಂಜೆ ಮಿಲನಕೆ ಮುನ್ನುಡಿ ಬರೆದಿದೆ