ಕ್ಷಮೆ ಇರಲಿ

ಬದುಕು ಜಂಜಾಟ
ಆಫೀಸು ಮನೆಗೆ ಬರೀ ತಿರುಗಾಟ
ಖುಷಿ ದುಃಖಗಳ ಆಟ...
ಜೀವನ ಸಮತೋಲನಕೆ ಪರದಾಟ

ಒಟ್ಟಿಗೆ ಕಳೆಯುವ ಸಮಯದ ಕೊರತೆ
ಬರಿದಾಗದು ಪ್ರೀತಿಯ ಒರತೆ
ಶನಿವಾರ ರವಿವಾರ ಬದುಕಿನ ಸಂತೆ
ಕಟ್ಟುವೆವು ಸುಂದರ ಘಳಿಗೆಗಳ ಕಂತೆ ಕಂತೆ

ಬರಿದಾಗುತಿದೆ ಹಂಚಿದ ಪ್ರೀತಿ
ತುರ್ತಾಗಿ ಕೂಡಲೇ ಬೇಕಿದೆ ಮರವ ಸುತ್ತಿ
ಆಸೆ ಒತ್ತರಿಸಿ ನಿಂತಿದೆ ನನ್ನ ನಿನ್ನ ಭೇಟಿ
ಕಾಣಬಹುದೇ ಕನಸ ಸಿನಿಮಾ ರೀತಿ

ಒದ್ದಾಟದ ದೇಹಕ್ಕೆ ಸಾಮೀಪ್ಯ ಸಿಗಲಿ
ಎರಡು ಶರೀರಗಳ ಖುಷಿಯ ಸಾಂಗತ್ಯದಲಿ
ಮನಸ ಚೀರಾಟ ಕಣ್ಣೀರಲಿ
ಕೇಳದೇ ಹೇಳದ ಸಂಗತಿಗಳಿವೆ
ಕ್ಷಮೆ ಇರಲಿ