ಶಾಲೆಯ ಚೂರು ನೆನಪು

ಮನುಷ್ಯನ ಬಹು ಸುಂದರ ಘಟ್ಟ
ಮರೆಯಲಾಗದು ಹತ್ತಿದರು ಚಟ್ಟ
...

ಅಮ್ಮ ಮೊದಲ ಗುರು
ಶಾಲೆ ಮನೆಯ ನಂತರದ ಕಲಿಕಾ ಮಜಲು
ಅಕ್ಕೋರು ಮಾಸ್ತರು ದೇವರಿಗಿಂತ ಮಿಗಿಲು
ಅವರ ವಿಶ್ಲೇಷಣೆಯೆ ದೇವ್ರು ಬರೆದಿಟ್ಟ ಉಯಿಲು
ಜೈ ಭಾರತ ಜನನಿಯ ತನುಜಾತೆ
ಶುರುವಾಗಲೇ ಬೇಕು ದಿನಾ ಹೀಗೆ
ಪಂಚಾಂಗ ಉವಾಚ ಸುದ್ದಿ ಪತ್ರಿಕೆ ಓದು
ಎಲ್ಲರೊಂದಿಗೆ ದಿನದ ಶುರು
ಸುಂದರ ಚುಕ್ಕಿ ರಂಗೋಲಿ ಕಂಗೊಳಿಸಿದೆ
ಪಾಳಿಯಲಿ ಸೇದಿದ ನೀರು ಡ್ರಮ್ ತುಂಬಿಸಿದೆ
ಗೆಳತಿ ಗೆಳೆಯರೊಟ್ಟಿಗೆ ಓದಿ ಕಲಿತ ಆಟ
ಅಚ್ಚು ಮೂಡಿಸಿದೆ ಆಗಲೇ ಮನಸಿನ ಪಟ
ಎಲ್ಲ ವಿಷಯಗಳ ಹೂರಣ ಕಚ್ಚಾ ಪಟ್ಟಿ
ಆಯಾ ವಿಷಯಕ್ಕೆ ಹೆಸರು ಬರೆದಿಟ್ಟ ಪಟ್ಟಿ
ಕಡ್ಜಿ ಬಳಪ ಪಾಟಿ ಸ್ಲೇಟು
ಮತ್ತೆ ಮತ್ತೆ ಒರೆಸಿ ಬರೆಯುವ ಅಭ್ಯಾಸ
ಜೋರು ಮಳೆಗೆ ಅರ್ಧದಲ್ಲಿ ನಿಲ್ಲಿಸಿದ ಪಾಠ
ರೇನ್ಕೋಟು ಮೈ ಮುಚ್ಚಿದೆ
ಜನಗಣಮನ ಗೀತೆ ಜೋರಾಗಿ ಘಂಟೆ ಸದ್ದು
ಪಾಟಿಚೀಲ ಹೊತ್ತು ಮನೆಗೆ ಓಡಿದ ನೆನಪು