.jpg)
ಸು೦ದರ-ರಾತ್ರಿ
===============
ನೇಸರದಲಿ ಚ೦ದಿರನು
ಬೆಳ್ಳಿ ಬೆಳಕನು ಚೆಲ್ಲಿರಲು
ರಾತ್ರಿಯ ನೀರವದಲಿ
ನಕ್ಷತ್ರವು ಮಿನುಗುತಿರಲು
ಆರಿತು ಮನೆಯ ವಿದ್ಯುದ್ದೀಪವು
ಆವರಿಸಿತು ನಿಶಬ್ಧ ಸುತ್ತಲು
ಕೇಳಿತದುವೇ ಭಯ೦ಕರವಾಗಿ
ದೂರದಲ್ಲಿ ನಾಯಿಯೊ೦ದು ಊಳಿಡಲು
ಸ೦ಭ್ರಮದ ಕ್ಷಣಗಳಿಗೆ
ಕಣ್ಣುಗಳೆರಡು ಕಾದಿಹವು
ಅರಸಿತು ಸುಖ ನಿದ್ರೆಯನು
ದುಡಿದು ಬೆ೦ಡಾದ ದೇಹವು
ಭಾವನಾತೀತ ಸಮಯ
=================
ಬೆದರಿ ಚದರಿದ ಭಾವಗಳು
ನಗು ಮರೆತ ವದನವು
ಕಮರಿದ ಕೋಮಲ ಅನಿಸಿಕೆಗಳು
ಬಸವಳಿದ ಸಾ೦ತ್ವನವು
ಪುಟ ತಿರುವಿದ೦ತೆ ಹೊಸ ಆವೃತ್ತಿಗಳು
ಬದುಕಿನ ಹೊತ್ತಿಗೆಯು
ಹಾಸು ಹೊಕ್ಕಾದ ನೆನಪುಗಳು
ಮರೆ ಮಾಚಿದ ಘಟನೆಯವು
ಸಮಯಕೆ ಬಾಗಿದ ನಿಯಮಗಳು
ಕಾಲಗರ್ಭಕೆ ಹಸುಗೂಸುಗಳು ನಾವು
ಚ೦ದದ ಸ೦ಸಾರಕ್ಕೆ ಗಾಲಿಗಳು
ಪ್ರೀತಿ ಸಲ್ಲಾಪ ಆನ೦ದ ಹರುಷವು
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ