ಕನಸಿನೊಳು ಕನಸಾಗಿ ....

ನೂರಾರು ಆಲೋಚನೆಗಳು 

ಲವಲವಿಕೆಯ ಬಂಧಗಳು 

ಓಡೋಡಿ ಬರುತಲಿವೆ ನನ್ನಲ್ಲಿಗೆ

ಕಾಣದ ಮುಖಗಳು 

ಕೇಳಿಸದ ಮಾತುಗಳು 

ಕಚಗುಳಿಯ ಇಡುತಿವೆ ಮೆಲ್ಲಗೆ 

ಬಂಧನಗಳ ತೆಕ್ಕೆಯಲಿ 

ಮಾತುಗಳ ಅಕ್ಕರೆಯಲಿ 

ಬೀಳುವೇನು ಎಂದೋ 

ಎದೆಯಲ್ಲಿ ಸಣ್ಣ ಕಂಪನವು 

ಕಣ್ಣಲ್ಲಿ ಹೊಸತನವು 

ಗಬಕ್ಕನೆ ಹಿಡಿದಿಡುವುದೇ 

ರಾತ್ರಿಯ ಕನಸುಗಳು 

ತನ್ನಲ್ಲಿ ಅಳುತಿರಲು 

ಮೂಡಿ ಬರಲಿಹುದೇ ಹೊಸ ಪುಳಕಗಳು 

ಮಲಗುತಿವೆ ಕಣ್ಣ ರೆಪ್ಪೆಗಳು 

ತುಟಿಯಲ್ಲಿ ತುಸುನಗುವು 

ಜಾರಿ ಬಿದ್ದಿತೆ ಮುತ್ತ ಹನಿಗಳು 

ಸಿಹಿಯಾದ ಕನಸುಗಳು ಬೀಳುತಿರಲು 

ನೋವೆಲ್ಲ ಮಾಗಿರಲು 

ಅಡಗಿದ  ಪರದೆಯು ಸರಿಯುತಿರಲು 

ಪಾತ್ರಧಾರಿಗಳು ನಾವೆಲ್ಲಾ 

ಆಡಲೇ ಬೇಕು ಜೀವನದ ಹಗಲೆಲ್ಲ 

ಕನಸುಗಳು ಬಂದೊಮ್ಮೆ 

ಹೊಸ ಲೋಕಕ್ಕೆ  ಎಳೆದೊಯ್ಯುತಿರಲು