ಮಾಯಾಲೋಕ

ಮನ ಸೋಲುವುದು

ನಿನ್ನೊಂದಿಗೆ ಕಳೆದ ಮಧುರ

ಕ್ಷಣಗಳ ಸಂಚಿಯ ಇಣುಕು ನೋಟಕೆ

ಅಶ್ರುಧಾರೆಯ ಹರಿಸುವುದು

ನೀನಿತ್ತ ಭರವಸೆಯ

ಮಾತುಗಳ ಭಾವುಕತೆಗೆ

ಕಷ್ಟದಲಿ ಇರುತಿರಲು ನೀನು

ನಿಶ್ಯಕ್ತ ಮನಕೆ ಅದು ಗ್ಲೂಕೋಸು ನೀರು

ಲೋಪವನು ಆಕ್ಷೇಪಿಸದೆ

ಭಾವಕ್ಕೆ ಭಾವವನು ಸಂಧಿಸಿ

ಸಮಾಧಾನದ ಉತ್ತರವ ನೀನಿರಿಸಿ

ಕಷ್ಟಕ್ಕೆ ವಿರಾಮವಿರಿಸಿದೆ

ಬಿಟ್ಟು ಹೋದದಕ್ಕೇನು ಕಾರಣವ

ನಾನೆಂದು ಕೇಳೆನು

ಉತ್ತರವೂ ನನ್ನಲ್ಲಿಯೇ ಅಡಗಿ ಕುಳಿತಿರಲು

ಬೇಡೆನಿನ್ನೆನನು ನಿನ್ನಲ್ಲಿ ಜೀವ

ಸತ್ಪತದಿ ತಂದಿರಿಸಿ ನನ್ನನು

ಬರೆದಿರುವೆ ಜೀವನದ ಆಸ್ತಿಯ ಉಯಿಲು