ವಿಸ್ತರಣಾ ಪ್ರೀತಿ

   ಇಂದೆನ್ನ ಬಂದು ಬಿಗಿದಪ್ಪಿದವು 

   ಕಂಡು ಕಾಣರಿಯದ ನನಸಿನ ಕೈಗಳು 

   ಪ್ರೇಮದಾಲಪನೆ ಗೈದವು 

   ಭಾವನಾತ್ಮಕ ಮಾತುಗಳು 

   ಸಂಭ್ರಮಿಸಿದವು ನನ್ನ ಅಕ್ಷಿಪಟಗಳು  

   ರಂಗು ರಂಗಿನ ಕನಸಿನೊಂದಿಗೆ 

   ಗರಿ ಕೆದರಿ ಪುಳಕಿತಗೊಂಡಿತವು 

   ಮನಸಿನ ಭಾವ ಸಿಂಚನದೊಂದಿಗೆ 

   ಕನಸಿನ ಚೀಲಗಳು ತುಂಬಲಾರಂಭಿಸಿದವು 

   ಹೊಸ ಜೀವನದ ಪರಿಕಲ್ಪನೆಯೊಂದಿಗೆ 

   ಭಾರವಾದ ಮನ ಹಗುರಗೊಂಡಿತು 

   ಮಡಲಿನ ಆಸರೆಯೊಂದಿಗೆ 

   ಸ್ಮೃತಿ ಪಟಲ ತೆರೆದಿಟ್ಟುಕೊಳ್ಳಲು 

   ಭಾವನೆಗಳ ನರ್ತನ ಆರಂಭವಾಗಲು 

   ಬಾಹು ಬಂಧನ ಸನಿಹವಾಗಲು

   ಪ್ರೀತಿಯ ವಿಸ್ತರಣೆ ಇನ್ನು ಸುಲಭವಾಯಿತು