ಮದುವೆ ಎಂಬುದು ಹಿರಿಯರು ಒಡಗೂಡಿ ನಿರ್ಧರಿಸುವ ಜೀವನದ ಅತ್ಯಂತ ಮಹತ್ತರ ಘಟ್ಟ. ಅದನ್ನು ಒಪ್ಪಿಗೊಳ್ಳುವಾಗ ಮನಸ್ಸು ಪ್ರಬುದ್ಧತೆಯ ಮೆಟ್ಟಿಲು ಹತ್ತಿರುವುದೋ ತಿಳಿಯದು. ಯಾವುದೇ ಆಗಲಿ ಮನುಷ್ಯರ ದೃಷ್ಟಿಕೋನಕ್ಕೆ ಅನುಗುಣವಾಗಿ ಒಂದು ವಸ್ತುವಿನ ಗುಣ ಅವಗುಣಗಳ ವಿವರಣೆ.
ನನ್ನ ಪ್ರಕಾರ ಮದುವೆ ಎಂಬುದು ಎರಡು ಮನಸ್ಸಿನ ಮಿಲನಕ್ಕೆ ಹಾಕಿ ಕೊಡುವ ಸಂಖ. ಎರಡು ಕುಟುಂಬಗಳ ಸಂಬಂಧ ವಿಸ್ತರಣೆ. ಬಂಧು ಬಾಂಧವರ ಮಿಲನ ಕೂಟ. ಬಹು ಸುಂದರ ಖುಷಿ, ದುಃಖ ಕ್ಷಣಗಳ ಸಮ್ಮಿಶ್ರಣ.
ಹಿರಿಯರು ಕೂಡಿ ನಿರ್ಧರಿಸಿದ ಮದುವೆಯಲ್ಲಿ ಹೆಣ್ಣಿಗೆ ಹಾಗೂ ಗಂಡಿಗೆ ವಿಧಿಯಿಲ್ಲದೆ ಒಪ್ಪಿಕೊಳ್ಳುವ ಪ್ರಸಂಗ ಒದಗಿ ಬರುವುದು ಕಡಿಮೆ. ಅದೊಂದು ರೀತಿಯ ವಿವರಿಸಲಾಗದ ಸಂತಸದ ವಿಶ್ಲೇಷಣೆಗಳು. ಹೇಗಿರುವನೋ, ಏನನ್ನು ಇಷ್ಟ ಪಡುವನೋ, ಹೀಗೆ ಮೊದಲಾದ ಪ್ರಶ್ನೆಗಳಿಗೆ ಎಡೆ ಮಾಡಿಕೊಡುವ ಕುತೂಹಲದ ಘಟ್ಟ.. ಎಲ್ಲ ಶಾಸ್ತ್ರ ನಿಯಮದ ಪ್ರಕಾರ ಒಪ್ಪಿಗೆ ಸೂಚಿಸಿ ನಿಶ್ಚಿತಾರ್ಥ ಮದುವೆ ಬಗ್ಗೆ ಸಿದ್ಧತೆ. ಅವರ್ಣನೀಯ ಕ್ಷಣಗಳ ಮುಖತಃ ಭೇಟಿ.
ಹುಟ್ಟಿಸಿದ ಬೆಳೆಸಿದ ಪೊರೆದ ಎಲ್ಲರನ್ನು ಬಿಟ್ಟು ಗಂಡನೊಟ್ಟಿಗೆ ಹೊರಡುವಾಗ ಅಶ್ರುಧಾರೆಯ ತರ್ಪಣ ತನ್ನಿಂತಾನೆ ಆಗುವುದು ದಿಟ. ಕ್ಷಣ ಮಾತ್ರದಲ್ಲಿ ಅತ್ತೆ ಮಾವರ ಮಾವ ಗಂಡನ ಸಾಂತ್ವಾನ ಕಣ್ಣೀರು ಒರೆಸಿಕ್ಕೊಳ್ಳಲು ಒರೆಸಿಕೊಳ್ಳಲು ಸಹಾಯ ಮಾಡುತ್ತದೆ ದುಗುಡ ತುಂಬಿಕೊಂಡಿದ್ದರೂ ತುಂಬಿ ಕೊಂಡಿದ್ದರೂ ಅಲ್ಪ ಸಮಯದ ಸಾಂತ್ವನ ಮನಸನ್ನು ಸಮಾಧಾನ ಮಾಡುತ್ತದೆ.
ಹೊಸ ಜೀವನ ಶುರು. ಹುಡುಗಿ ಸಹ ಕೆಲಸ ಮಾಡುತ್ತಿದ್ದರೆ , ಇಬ್ಬರಲ್ಲಿಯೂ ಹೊಂದಾಣಿಕೆಯ ಮನೋಭಾವ ಇದ್ದರೆ ಖುಷಿ ಸಂತೃಪ್ತಿಯ ಜೀವನ ಖಂಡಿತ .. ಒಬ್ಬಲ್ಲ ಒಬ್ಬರು ಒಂದಲ್ಲ ಒಂದು ವಿಷಯದಲ್ಲಿ ಅರ್ಥ ಮಾಡಿಕೊಂಡರೆ ಸುಖೀ ಜೀವನದ ಹಾದಿ ಸುಲಭ ಸಾಧ್ಯ. ನನ್ನ ಪ್ರಕಾರ ವಿಶಾಲ ಮನೋಭಾವದಿಂದ ಎಲ್ಲವನ್ನು ಅರ್ಥ ಮಾಡಿಕೊಂಡರೆ ಬಹು ಕಷ್ಟ ಸಮಯದಲೂ ಬಹು ಸರಳ ವಿಧಾನದಿಂದ ವ್ಯವಹರಿಸಬಹುದು. ಯಾವುದೇ ಹೊಸ ಕೆಲಸ\ವಿಷಯ ಆಗಲಿ ಪ್ರಾರಂಭದಲ್ಲಿ ಕಷ್ಟ ಅನಿಸಿದರೂ ಇದು ಜೀವನದ ಸಣ್ಣ ಪ್ರಮಾಣದ ಕಷ್ಟ ಎಂದೆನಿಸಿ ಮುಂದುವರೆದರೆ ಮಾದರಿ ಜೀವನಕ್ಕೆ ಸಿದ್ಧ.
ಅಮ್ಮ ಚಪಾತಿಗೆ ಪಲ್ಯ ಅಥವಾ ಸಾಗು ಮಾಡದಿದ್ದರೆ ಕಿಡಿ ಕಾರುತ್ತಿದ್ದ ನಾನು ಈಗ ನಾನೇ ಎಲ್ಲವನ್ನು ಮಾಡಿ ಮುಗಿಸುವಾಗ ಅಮ್ಮನ ಬಗ್ಗೆ ಪ್ರೀತಿಯ ಭಾವ ತುಂಬಿ ಬಂದು ಕಣ್ಣನ್ನು ತೇವ ಮಾಡುತ್ತದೆ. :)
ಹೊಸ ಜೀವನದ ಮೆಟ್ಟಿಲುಗಳನ್ನು ಅಲ್ಲಲ್ಲಿ ಎಡವಿ, ಕೊಡವಿಕೊಂಡು ಹೋಗುತ್ತಿರುವ ನಾವು ಸುಖ ಸಂತೋಷದ ಮಾದರಿ ಜೀವನದ ಕ(ನ)ನಸಿನೊಂದಿಗೆ :)
